讀Discuss post有感

Topic: 昨晚食飯，串到我住私樓朋友想喊！

我朋朋友3x歲，未拍過拖。思想守舊，要傳宗接代，佢樣似黃光亮。
尋晚食飯時對話如下
我:最近你層樓升左喎，有無打算賣?
佢:無呀，諗住留返結婚用，有層樓女仔會鍾意多。
我:你有無追女呀?
佢:無時間呀，要返工，遲無咁忙應該好快識到條件好的女 仔，話晒都叫私樓業主。
我:你覺得有關係咩?
佢:有
我:咁你覺得住公屋就無囡?
佢:係。
我:咁點解我咁多女?
佢:你果係一夜情，唔算正當人家。
我:咁你點知你識果條無一夜情過呀。
佢:總之要識好女仔，樣子唔差的就唔好住公屋。
我:周永恆個小三咁索嗎?
佢:幾好
我:周永恆都係住公屋咋。點解小三鍾意佢?
佢:唔知
我:因為同層樓無關囉，如果條女係因為層樓嫁俾你，都唔係真心愛妳啦，愛情係睇感覺，樣子，口才，性格，價值觀。
我:有層樓都唔會追到好似周永恆小三咁質素的，因為你木獨，又唔打扮下，衫又舊，褲又舊，電話又用咪晒小米，女第一形象已差晒啦，佢地唔會理你有無樓架。
我:忠言易耳，你奇貌不揚，不如返大陸娶老婆好過啦，在香港你真係無勁爭力，最多溝到好似鄭欣宜呢貨色。
佢:你都幾直,而且歪理當道理。
我:講事實 ,好似你呢d為左供層樓, 食餐好,飲餐茶都唔捨得,邊可能溝到女呀, 唔通你出街同條囡AA制咩?!
我:到你供完層樓,可以駛錢,可以豪氣時,d囡都嫁晒啦,你人都老白髮晒出來啦,到時你無人無物,得層變舊左的物業, 又要夾錢維修。
我: 你點知你有幾耐命呀, 出街隨時一個招牌扎落來你就玩完啦, 你又未食過好, 住好過,著好過, 手仔又未拖過, 你老左先來享受咩,見到你真係眼火爆,出到街成日乞兒咁寒酸.
我:假假地我都帶勞力士3,6,9呀,出到街個個都覺得我比你有錢呀, 因為佢地根本唔會知你有層樓架.
我: 我朋友會考一分,住公屋咪一樣娶到個靚女miss做老婆,無他我朋友,樣可以,把口較滑頭,呢d咪掂囉,
好似你on99,為左層樓, 買衫唔捨得,飲荼唔捨 食飯唔可以過35元, 人地旅行去日本,歐洲,你就成個
阿伯咁海南島,我係囡都睇你唔起啦.
我: 你都係算把啦, 第日你就在間又舊又嗅的屋,搵伍姑娘渡過餘生把啦.





唔想評論佢既言論，只是佢有D point都幾提醒自己，人生唔系為左曾樓或者字面上的數值多少而生存。年輕人，確實應該多D認識這個世界，多做嘗試。

當然，要節制，該使即使。這樣生活才有意義吧。

只望它朝兒孫問到什麼是生活，自己也該有一套獨到，深刻體會的見解吧。